Yoshlar bandligi bo‘yicha amalga oshirilayotgan ishlar o‘rganildi

Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich tomonidan «Yoshlarga oid davlat siyosati to‘g‘risida»gi O‘zbekiston Respublikasi Qonuni (O‘RQ-406, 14.09.2016) ijrosini nazorat qilish doirasida “Yangi makon” OFYda yoshlar bilan ishlash holati joyiga chiqib o‘rganilmoqda.

🔎 Navbatdagi manzilda “Yangi makon” OFY yoshlar yetakchisi Sh.Niyazimbetov tomonidan ishsiz yoshlarni bandligini ta’minlash borasida amalga oshirilayotgan ishlar ko‘zdan kechirildi.

Jumladan, fuqaro N.O.ning tumanidagi 5-sonli maktabga ishga joylashishiga ko‘maklashilgani qayd etildi.

🤝 O‘rganish davomida yoshlarning bandligini ta’minlash, ularning murojaatlarini o‘rganish hamda mavjud imkoniyatlardan foydalanish orqali amaliy yordam ko‘rsatish masalalariga e’tibor qaratildi.