O‘rganish davomida Ijtimoiy reyestrda bo‘lgan oilalar bilan olib borilayotgan ishlar, ularning muammolarini aniqlash va mavjud imkoniyatlardan samarali foydalanish orqali oilalar daromadini oshirish bo‘yicha amalga oshirilayotgan chora-tadbirlar tahlil qilindi.

Bugungi kunda mahallada Ijtimoiy reyestrda 120 nafar fuqaro qayd etilgan bo‘lib, ularning har biri bilan individual ishlash maqsadida tegishli individual rejalar ishlab chiqilgan.

Shuningdek, fuqarolarni kambag‘allikdan chiqarish, bandligini ta’minlash, daromad manbalarini kengaytirish hamda ijtimoiy muammolarini bosqichma-bosqich hal etish bo‘yicha taklif va tavsiyalar berildi.

Asosiy maqsad — ehtiyojmand oilalarni har tomonlama qo‘llab-quvvatlash, ularning daromadlarini oshirish va munosib turmush sharoitini ta’minlash.