🏛 Doimiy komissiya va biriktirilgan tashkilot: hamkorlikdagi ishlar o‘rganildi
Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi hamda komissiyaga biriktirilgan tashkilotlar o‘rtasidagi hamkorlikni kuchaytirish maqsadida amaliy uchrashuv o‘tkazildi.
📍 Doimiy komissiya raisi O.Shukurov tuman Agrobankida bo‘lib, bank tomonidan hududda tadbirkorlikni rivojlantirish, aholi bandligini ta’minlash va yangi daromad manbalarini yaratish yo‘nalishida amalga oshirilayotgan ishlar bilan tanishdi.
🔎 Uchrashuv davomida:
🔹 tadbirkorlik subyektlarini qo‘llab-quvvatlash;
🔹 aholining tadbirkorlik tashabbuslarini moliyalashtirish;
🔹 kredit mablag‘laridan samarali foydalanish;
🔹 yangi ish o‘rinlari yaratish;
🔹 mahallalarda kambag‘allikni qisqartirishga qaratilgan loyihalarni qo‘llab-quvvatlash
masalalari yuzasidan fikr almashildi.
🤝 Doimiy komissiya va biriktirilgan tashkilot o‘rtasidagi tizimli hamkorlik hududning iqtisodiy salohiyatini oshirish, tadbirkorlik tashabbuslarini qo‘llab-quvvatlash hamda aholi uchun barqaror daromad manbalarini yaratishga qaratilgan vazifalar ijrosini muvofiqlashtirishga xizmat qiladi.
📋 Mazkur yo‘nalishdagi hamkorlik va deputatlik nazorati muntazam davom ettiriladi.