7-OP faoliyati o‘rganildi

✅ Xalq deputatlari Boysun tumani Kengashi raisi B.K.Xaitov, tuman Kengashi deputatlari Z.B.O‘zbekova, S.A.Majidova, F.N.Tursunqulov va Q.B.Alimovlar bilan birgalikda Boshrabot mahallasida joylashgan 7-oilaviy poliklinika (7-OP) faoliyati bilan tanishdi.

✅ O‘rganish davomida fuqarolarga ko‘rsatilayotgan tibbiy xizmatlarning sifati, aholiga tibbiy xizmat ko‘rsatish jarayonlari, profilaktik tadbirlarning tashkil etilishi hamda fuqarolarning murojaatlari bilan ishlash holatiga e’tibor qaratildi.

✅ Shuningdek, fuqarolarga belgilangan tartibda tarqatilayotgan bepul dori-darmon vositalarining mavjudligi, ularning saqlanishi va aholiga yetkazib berilishi holati ham o‘rganildi.

✅ Mazkur jarayonda fuqarolarning sog‘lig‘ini saqlash va ularga tibbiy yordam ko‘rsatish masalalari O‘zbekiston Respublikasining 1996-yil 29-avgustdagi “Fuqarolar sog‘lig‘ini saqlash to‘g‘risida”gi 265-I-son Qonuni talablari asosida tashkil etilishi muhimligi qayd etildi.

✅ Shuningdek, dori vositalarining aholiga yetkazib berilishi va ulardan foydalanish bilan bog‘liq masalalarda O‘zbekiston Respublikasining 2016-yil 4-yanvardagi “Dori vositalari va farmatsevtika faoliyati to‘g‘risida”gi O‘RQ-399-son Qonuni talablariga rioya etilishi yuzasidan tegishli tavsiyalar berildi.

✅ O‘rganish yakunida aholiga sifatli tibbiy xizmat ko‘rsatish, fuqarolarni zarur dori-darmon vositalari bilan ta’minlash hamda tibbiy xizmatlar sifati ustidan jamoatchilik va deputatlik nazoratini kuchaytirish masalalariga alohida e’tibor qaratildi.

📌 Aholi salomatligini muhofaza qilish, tibbiy xizmat sifatini oshirish va fuqarolarning qonuniy huquqlarini ta’minlash — deputatlik nazoratining muhim yo‘nalishlaridan biridir.