“Bozataw” PPJ 1-sanlı “Palwash ataw” saylaw okruginde “Baslamalı byudjet” joybarı tiykarında turǵınlar ushın úlken áhmiyetke iye bolǵan abadanlastırıw jumısları baslandı.

2026-jıldıń 1-máwsiminde “Baslamalı byudjet” processinde jeńimpaz bolǵan joybarǵa muwapıq Qurılısshı kóshe – 0,33 km, T.Qayıpbergenov kóshe – 0,3 km, Erkin kóshe – 0,4 km, Berdaq gúzarı – 0,58 km hám N.Japaqov kóshe – 0,62 km aralıǵın asfaltlaw jumısları ámelge asırılmaqta.

Joybardıń ámelge asırılıwı nátiyjesinde birneshe kóshe jańa kóriniske iye bolıp, turǵınlar ushın qolay hám sapalı qatnas sharayatı jaratıladı. Bul bolsa máhállede abadanlıq dárejesin arttırıw menen birge, turǵınlardıń kúndelikli turmısına da qolaylıq alıp keledi.

Joybar tiykarında belgilengen jumıslardıń sapalı hám óz waqtında orınlanıwın úyreniw maqsetinde Xalıq deputatları Bozataw rayonlıq Keńesi 1-sanlı “Palwash ataw” saylaw okruginen deputat A. Ibragimov tárepinen deputatlıq qadaǵalaw alıp barıldı.

Deputat jumıs barısın kózden ótkerip, asfaltlaw jumıslarınıń sapasına, belgilengen kólemde hám sapalı orınlanıwına itibar qaratıp, máhálle turǵınlarınıń pikirleri hám usınısları menen de tanıstı.

El tilegi menen júzege asırılıp atırǵan bunday joybarlar máhállelerdi abadanlastırıwǵa, xalıqtıń turmıs sapasın jaqsılawǵa hám turǵınlardıń razılıǵın támiyinlewge xızmet etedi.

Máhálle turǵınları bolsa, kóshelerdiń asfaltlanıp, jańa kóriniske iye bolıp atırǵanına minnetdar ekenliklerin bildirdi. 🤝

Telegram|E-Kengash|Facebook|Instagram

Slide 1 of 1