Xalq deputatlari Yunusobod tumani Kengashining 26-Jo‘miy saylov okrugi deputati Eshonxodjayev Otabek Djurayevich tomonidan “Iftixor” mahallasida yashovchi fuqarolarning murojaati asosida hududdagi yo‘l-transport infratuzilmasi holati o‘rganildi.

🔎O‘rganish davomida fuqarolar tomonidan ko‘tarilgan masalalar, jumladan, Iftixor ko‘chasida Yunusobod sport majmuasi suv havzasiga kirish qismidagi avtobus bekatini zamonaviy holatga keltirish, piyodalar kesib o‘tish joyiga svetofor o‘rnatish, shuningdek, Iftixor va M. Turg‘unboyeva ko‘chalari kesishmasida svetofor o‘rnatish masalalariga e’tibor qaratildi.

🚸Shuningdek, To‘xtasin Jalilov va M. Turg‘unboyeva ko‘chalari kesishmasida maktabga o‘tish uchun yo‘l chiziqlari va svetofor o‘rnatish, hamda Iftixor ko‘chasidagi 75-uy yonidagi avtobus kutish bekatini boshqa joyga ko‘chirish masalalari ko‘rib chiqildi.

📌Fuqarolarning murojaatida bayon etilgan takliflarni amaliy jihatdan o‘rganish, piyodalar va yo‘lovchilar xavfsizligini ta’minlash, yo‘l harakati uchun qulay shart-sharoitlar yaratish yuzasidan tegishli mas’ullar bilan masalalar muhokama qilindi.

⚖️

Huquqiy asos: O‘zbekiston Respublikasining “Yo‘l harakati to‘g‘risida”gi Qonuni talablari asosida yo‘l harakati xavfsizligini ta’minlash, piyodalar va yo‘lovchilar uchun xavfsiz sharoitlar yaratish masalalariga alohida e’tibor qaratildi.

✍️Deputat tomonidan mazkur murojaatda ko‘rsatilgan masalalarni nazoratga olish hamda ularning qonuniy yechimini ta’minlash bo‘yicha tegishli tashkilotlarga takliflar kiritilishi belgilandi.