Xalq deputatlari Uchquduq tuman Kengashi kotibiyati bosh mutaxassisi T.Xaydarov tomonidan tumanning o‘ziga xos ramzlaridan biri bo‘lgan “Uchquduq” ramziy maydoni hamda afsonaviy uchta quduq stellasi hududida olib borilayotgan zamonaviy obodonlashtirish, qurilish va ta’mirlash ishlari jarayoni ko‘zdan kechirildi.

🔺 Loyiha doirasida 1 milliard 600 million so‘m mablag‘ hisobidan hududni kompleks ravishda qayta qurish va ta’mirlash, uning infratuzilmasini yaxshilash hamda aholi uchun zamonaviy va qulay dam olish muhitini yaratish ko‘zda tutilgan.

🌳 Amalga oshirilayotgan bunyodkorlik ishlari natijasida hududning tashqi qiyofasi tubdan yangilanib, yanada obod va ko‘rkam maskanga aylanishi rejalashtirilgan. Shuningdek, aholining bo‘sh vaqtini mazmunli o‘tkazishi, oilaviy hordiq chiqarishi va sayr qilishi uchun qulay sharoitlar yaratiladi.

🏙 “Uchquduq” ramziy maydoni nafaqat tuman aholisi, balki hududga tashrif buyuruvchi mehmonlar uchun ham muhim maskanlardan biri hisoblanadi. Shu bois mazkur hududni zamonaviylashtirish, obodonlashtirish va estetik jihatdan takomillashtirish ishlari alohida ahamiyat kasb etadi.

✨ Bugungi kunda olib borilayotgan qurilish-ta’mirlash va obodonlashtirish ishlari tumanning yanada chiroyli, shinam va zamonaviy qiyofa kasb etishiga xizmat qilmoqda.

🤝 Bunday bunyodkorlik ishlari, avvalo, inson qadri, aholi farovonligi va munosib dam olish sharoitlarini yaratishga qaratilgani bilan ahamiyatlidir.