#deputat_faoliyati

🔽Sifatli tibbiy xizmat – aholi salomatligi kafolati

🏦Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi R. Murodov hamkorligida “Hazorman” mahallasida aholiga o‘z vaqtida va sifatli tibbiy yordam ko‘rsatilishi holati joyiga chiqqan holda o‘rganildi.
🏦O‘rganish davomida mahalla hududida tibbiy xizmat ko‘rsatishning mavjud holati, aholining tibbiy ko‘rik va davolanishga bo‘lgan ehtiyojlari, tibbiy xizmatlarning o‘z vaqtida tashkil etilishi hamda fuqarolarning murojaatlari bilan ishlash jarayonlariga e’tibor qaratildi.
🏦Shuningdek, mahalla aholisi bilan suhbatlar o‘tkazilib, ularning tibbiy xizmat ko‘rsatish borasidagi fikr va takliflari tinglandi. Ayniqsa, keksalar, ijtimoiy himoyaga muhtoj fuqarolar hamda doimiy tibbiy nazoratga ehtiyoji bo‘lgan aholi qatlamlariga ko‘rsatilayotgan xizmatlar holati yuzasidan fikr almashildi.
🏦O‘rganish jarayonida aniqlangan masalalarni bartaraf etish, aholiga tibbiy xizmatlarni yanada yaqinlashtirish, tibbiy ko‘riklarni o‘z vaqtida tashkil etish hamda mavjud muammolarga tezkor yechim topish yuzasidan tegishli mas’ullarga tavsiyalar berildi.
🏦Aholi salomatligini muhofaza qilish, fuqarolarga sifatli va samarali tibbiy xizmat ko‘rsatilishini ta’minlash masalalari deputatlik nazorati doirasida izchil davom ettiriladi.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt