Xalq deputatlari Chilonzor tuman Kengashining 18-Guliston saylov okrugi deputati Kim Marina Melisovna tomonidan Guliston mahallasida amalga oshirilayotgan ishlar, hududning umumiy holati hamda mavjud muammolar o‘rganildi.

O‘rganish davomida mahalladagi obodonlashtirish va tozalik holati, hudud infratuzilmasi, aholi uchun yaratilgan shart-sharoitlar, shuningdek, fuqarolarni qiynayotgan muammoli masalalar bilan yaqindan tanishildi.

Shuningdek, mahalla raisi va mas’ullar bilan hududdagi mavjud kamchiliklarni bartaraf etish, aholi murojaatlarini o‘z vaqtida ko‘rib chiqish hamda mahallada qulay va farovon muhitni ta’minlash borasida amalga oshirilayotgan ishlar muhokama qilindi.

Aniqlangan muammolarni tegishli tashkilotlar bilan hamkorlikda hal etish va hududda amalga oshirilayotgan ishlarning samaradorligini oshirish yuzasidan tegishli taklif va tavsiyalar bildirildi.