Deputatlik faoliyatida qonunchilikda belgilangan huquqlardan to‘g‘ri foydalanish muhim.
📌 1. Deputat so‘rovi yuborish huquqi
Deputat tegishli hududdagi davlat organlari va mansabdor shaxslarga ularning vakolatiga kiradigan masalalar yuzasidan deputat so‘rovi yuborishga haqli.
📌 2. Axborot olish huquqi
Deputat o‘z vakolatlarini amalga oshirish uchun zarur bo‘lgan hujjatlar, ma’lumotlar va boshqa axborotlarni belgilangan tartibda olish huquqiga ega.
📌 3. Masalalarni Kengash muhokamasiga kiritish
Deputat hudud aholisi manfaatlaridan kelib chiqib, tegishli masalalarni Kengash majlisida ko‘rib chiqish uchun taklif etishi mumkin.
📌 4. Nazoratda ishtirok etish
Deputat Kengash vakolatiga kiradigan masalalar bo‘yicha qarorlarning ijrosini o‘rganish va nazorat tadbirlarida ishtirok etish huquqiga ega.
📌 5. Saylovchilar bilan ishlash
Deputat fuqarolar bilan uchrashib, ularning murojaatlarini o‘rganishi, muammolarni tegishli tashkilotlarga yetkazishi va ularning hal etilishi yuzasidan ish olib borishi mumkin.
📝 ESDA TUTING!
Deputatning huquqi — fuqarolar manfaatlarini himoya qilish va hududdagi muammolarni qonuniy yo‘l bilan hal etish uchun berilgan vakolatdir.
📚 “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun.