Tashabbusli budjet loyihasi: sport maydonchalari qurilishi o‘rganildi

Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich “Yoshlar maslahat guruhi” a’zosi bilan birgalikda o‘zi saylangan “Yangi makon” OFY 3-Mehrem saylov okrugi hududidagi 13-sonli umumiy o‘rta ta’lim maktabida Tashabbusli budjet loyihasi doirasida amalga oshirilayotgan ishlarni joyiga chiqqan holda o‘rgandi.

🏗 Loyiha doirasida maktab hududida mini futbol, basketbol va vorkaut maydonchalari barpo etilmoqda. O‘rganish davomida qurilish ishlari, obyektning holati hamda ishlarning belgilangan talablar asosida olib borilishi ko‘zdan kechirildi.

📋 Shuningdek, mazkur jarayonda “Jismoniy tarbiya va sport to‘g‘risida”gi O‘zbekiston Respublikasi Qonuni (O‘RQ-394, 04.09.2015) talablarining ijrosi, yoshlar uchun sport bilan shug‘ullanishga yaratilayotgan sharoitlar va sport infratuzilmasidan samarali foydalanish masalalariga ham e’tibor qaratildi.

🤝 Aniqlangan holatlar yuzasidan mas’ullar bilan fikr almashilib, amalga oshirilayotgan ishlarning sifatli yakunlanishi bo‘yicha zarur tavsiyalar bildirildi.

🏀 Yangi sport maydonchalari maktab o‘quvchilarining bo‘sh vaqtini mazmunli tashkil etish, jismoniy faolligini oshirish va sog‘lom turmush tarzini qo‘llab-quvvatlash uchun qo‘shimcha imkoniyat yaratadi.