Xalq deputatlari Chilonzor tuman Kengashining 18-Guliston saylov okrugi deputati Kim Marina Melisovna tomonidan Guliston mahallasida ko‘p qavatli uylarni saqlash va ularga xizmat ko‘rsatish holati, shuningdek, boshqaruv kompaniyalari faoliyatining samaradorligi o‘rganildi.

O‘rganish davomida ko‘p qavatli uylarning umumiy foydalanishdagi hududlari, xususan, erto‘lalarning sanitariya va texnik holati, tozaligi, yoritilishi, muhandislik-kommunikatsiya tarmoqlarining sozligi hamda mavjud muammolar ko‘zdan kechirildi.

Shuningdek, uy-joy fondini saqlash va obodonlashtirish bo‘yicha boshqaruv kompaniyalari tomonidan amalga oshirilayotgan ishlar, aholiga ko‘rsatilayotgan xizmatlarning sifati va samaradorligi, aniqlangan kamchiliklarni bartaraf etish bo‘yicha ko‘rilayotgan choralar tahlil qilindi.

O‘rganish jarayonida aniqlangan muammolar yuzasidan mas’ullarga tegishli tavsiyalar berilib, mavjud kamchiliklarni o‘z vaqtida bartaraf etish hamda aholiga sifatli xizmat ko‘rsatishni ta’minlash bo‘yicha tegishli vazifalar belgilandi.

Mazkur o‘rganish ishlari hududda aholi uchun qulay va xavfsiz yashash sharoitlarini yaratish, ko‘p qavatli uylarning texnik holatini yaxshilash hamda boshqaruv kompaniyalari faoliyati ustidan jamoatchilik nazoratini kuchaytirishga qaratilgan