Tozalik — faqat obodonlashtirish xodimlarining emas, barchamizning umumiy mas’uliyatimiz.

Shu maqsadda Xalq deputatlari Termiz shahar Kengashi kotibiyati mudiri A.Ashurov hamda kotibiyat bosh mutaxassisi R.Mamashukurov 3-“Shifokor” saylov okrugi deputati O.Lapasovaning saylov okrugiga qarashli Shifokor mahallasida bo‘lib, deputatlik nazorati doirasida Shifokor mahallasida ko‘cha va hududlarning sanitariya-obodonlashtirish holati o‘rganildi.

O‘rganish davomida mahalla hududi ko‘chama-ko‘cha aylanib chiqilib, chiqindi to‘planadigan joylar, chiqindi qutilarining holati, maishiy chiqindilarni o‘z vaqtida olib chiqish va hududning umumiy tozaligi ko‘zdan kechirildi.

Ayrim hududlarda chiqindilarni belgilangan joylarga tashlamaslik, chiqindi to‘planadigan nuqtalarning sanitariya holati hamda ularni muntazam tozalash bilan bog‘liq masalalarga e’tibor qaratildi.

Mas’ullarga aniqlangan kamchiliklarni bartaraf etish, chiqindilarni o‘z vaqtida olib chiqish, chiqindi tashlash madaniyatini oshirish hamda mahallada tozalik va obodonlashtirish ishlarini tizimli tashkil etish bo‘yicha tegishli tavsiyalar berildi.

Deputatlik nazorati — muammoni aniqlash emas, uning yechimini ta’minlashga qaratilgan.

🟢 Toza mahalla — sog‘lom muhit va farovon hayot garovi!