ZARBDOR” MAHALLASIDA “YETTILIK” FAOLIYATI O‘RGANILDI

Xalq deputatlari Namangan shahar Kengashi raisi R. Isakov, Kengash kotibiyati mudiri N. Ubaydullayev, Kengash kotibiyati bosh mutaxassislari A. Nurmatov va M. Abdulmajidov hamda shahar Kengashi deputati Sh. To‘raboyeva tomonidan “Zarbdor” mahallasidagi “mahalla yettiligi” faoliyati o‘rganildi.

O‘rganish davomida mahallada aholi bilan ishlash, fuqarolarning murojaatlarini ko‘rib chiqish, mavjud muammolarni aniqlash va ularni hal etish, shuningdek, aholi bandligini ta’minlash, barqaror ish o‘rinlarini yaratish, daromad manbalarini ko‘paytirish hamda kambag‘allikni qisqartirish borasida amalga oshirilayotgan ishlar muhokama qilindi.

Shuningdek, aniqlangan muammolarni joyida o‘rganish, ularning yechimini ta’minlash hamda belgilangan vazifalar ijrosi ustidan ta’sirchan deputatlik nazoratini olib borish masalalariga alohida e’tibor qaratildi.

Mahallalarda deputatlarning “mahalla yettiligi” va aholi bilan muntazam muloqot olib borishi, muammolarni joyida o‘rganishi hamda ularning yechimiga ko‘maklashishi deputatlik faoliyatining muhim yo‘nalishlaridan biri sifatida qayd etilgan.

O‘rganish jarayonida Kengashning doimiy komissiyalari kesimidagi qonunlar taqsimotidan “Aholi bandligi to‘g‘risida”gi O‘zbekiston Respublikasi Qonuni, O‘RQ-642-son, 2020-yil 20-oktabr hamda sohaga oid boshqa qonunchilik hujjatlari talablari o‘rganildi.