Xalq deputatlari Mirzo Ulug‘bek tumani Kengashining 3-“Oqqo‘rg‘on” okrugi deputati, O‘zbekiston Ekologik partiyasi a’zosi Mirzayev Boxodir Suyunovich saylov okrugida joylashgan “Darxon” mahalla fuqarolar yig‘inidagi aholi turmush tarzini o‘rganish va obodonlashtirish ishlari bilan tanishish maqsadida tashrif buyurdi.

Tashrif davomida Darxon” mahalla fuqarolar yig‘ini raisi bilan mahalla faqarolar yig‘inida aholi va yoshlar uchun sharoitlarni yaxshilash, sog‘lom turmush tarzini targ‘ib qilish va noqonuniy qurilmalarga qarshi qonuniy chora ko‘rish yo‘llari muhokama qilindi.

Shuningdek, “Mahalla obodligi va mehr-saxovat” oyligi doirasida amalga oshirlayotgan keng ko‘lamli ishlar xaqida suhbatlashildi. Suhbat jarayonida mahalla raisi hududda obodonlashtirish, sanitariya-tozalash va chiqindilarni boshqarishni yaxshilashga qaratilgan “Dolzarb 40 kun” (yoki 40 kunlik) tozalik va obodonlashtirish tadbirlari yuzasidan ma’lumot berdi.

Suhbat yakunida deputat Boxodir Mirzayev va mahalla raisi tomonidan Mamlakatimiz mustaqilligining 35 yilligiga munosib tayyorgarlik ko‘rish, mahalla hududini obodonlashtirish, uylar oldi va ko‘chalarni tozaligini saqlash yuzasidan hamkorlikda amalga oshiriladigan ishlar belgilab olindi.