👥 MAHALLADAGI FAOLIYAT O‘RGANILDI

Xalq deputatlari Sherobod tumani Kengashining 7-Boybuloq saylov okrugi deputati L. Xakimova hamda Kengash kotibiyati bosh mutaxassisi Sh. Xo‘janazarov tomonidan “Boybuloq” mahallasida xotin-qizlar faoli faoliyati o‘rganildi.

📌 O‘rganish jarayonida deputatlik faoliyatining 24 ta muhim yo‘nalishi doirasida mahalladagi xotin-qizlar bilan olib borilayotgan ishlarning holatiga alohida e’tibor qaratildi.

🤝 Jumladan, xotin-qizlarning murojaatlari bilan ishlash, ularning muammolarini aniqlash va manzilli hal etish, ijtimoiy himoyaga muhtoj ayollarni qo‘llab-quvvatlash, bandligini ta’minlash, tadbirkorlik tashabbuslarini qo‘llab-quvvatlash hamda oilalarda ijtimoiy-ma’naviy muhitni mustahkamlash borasidagi ishlar tahlil qilindi.

💬 Shuningdek, xotin-qizlar faoli faoliyatida uchrayotgan muammolar, mavjud imkoniyatlar va kelgusida amalga oshirilishi lozim bo‘lgan vazifalar yuzasidan fikr almashildi.

📊 O‘rganish yakunlari asosida aniqlangan masalalarni bartaraf etish, mahallada xotin-qizlar bilan ishlash samaradorligini oshirish hamda ularning muammolariga yechim topishda hamkorlikni kuchaytirish bo‘yicha tegishli takliflar bildirildi.