Xalq deputatlari Nurobod tumani Kengashi deputati G.Xusanova tomonidan 2-Konchi saylov okrugi hududida joylashgan 61-sonli umumta’lim maktabida yangi 2026–2027-o‘quv yiliga tayyorgarlik ko‘rish jarayonlari joyiga chiqqan holda o‘rganildi.

O‘rganishlar davomida deputat maktabning moddiy-texnik bazasi, sinfxonalarning ta’mirlanish holati, isitish tizimining tayyorligi hamda o‘quvchilar uchun yaratilayotgan shart-sharoitlar bilan yaqindan tanishdi. Shuningdek, o‘quv adabiyotlari va ko‘rgazmali qurollar bilan ta’minlanganlik darajasiga alohida e’tibor qaratildi.

O‘rganish yakunida G.Xusanova maktab ma’muriyati va mas’ullarga yangi o‘quv yilini munosib kutib olish, ta’lim sifatini oshirish va o‘quvchilar uchun xavfsiz hamda qulay muhit yaratish bo‘yicha o‘zining tegishli taklif va tavsiyalarini berib o‘tdi.

Muassasada aniqlangan kamchiliklarni o‘z vaqtida bartaraf etish va tayyorgarlik ishlarini sifatli yakunlash bo‘yicha tegishli chora-tadbirlar belgilab olindi.