Xalq deputatlari Yunusobod tumani Kengashi deputati Kattaxodjayev Sherzod Ergashevich tomonidan tumanda joylashgan 4-son issiqlik markazi (ITM-4 “Shimoliy”) faoliyati o‘rganildi.

📝O‘rganish davomida quvvati 100 MVt bo‘lgan zamonaviy kogeneratsion gaz-porshenli elektr stansiyasining faoliyati, elektr va issiqlik energiyasi ishlab chiqarish jarayonlari hamda mavjud texnik imkoniyatlari bilan yaqindan tanishildi.

🔠Shuningdek, hududda faoliyat yuritayotgan Yunusobod tuman elektr tarmoqlari (RES) hamda Veolia Energy Tashkent bo‘linmalari faoliyati bilan ham tanishilib, hududning barqaror energiya va issiqlik ta’minotini ta’minlashga qaratilgan ishlar muhokama qilindi.

📌O‘rganish davomida infratuzilma obyektlarining barqaror va samarali faoliyat yuritishi, energiya resurslaridan oqilona foydalanish hamda aholini sifatli issiqlik va elektr energiyasi bilan ta’minlash masalalariga alohida e’tibor qaratildi.

👉Yunusobod tumanida muhim infratuzilma obyektlarining faoliyatini o‘rganish va mavjud masalalarni deputatlik nazorati doirasida ko‘rib chiqish ishlari davom ettiriladi.