Xalq deputatlari Pastdarg‘om tumani Kengashi deputatlari tomonidan iste’molchilar huquqlarini himoya qilish sohasidagi qonunchilik hujjatlari ijrosini o‘rganish va mavjud muammolarni aniqlashga qaratilgan deputatlik nazorati tadbirlari olib borilmoqda.

O‘zbekiston Respublikasi Vazirlar Mahkamasining 2021-yil 8 fevraldagi 59-son qarori bilan tasdiqlangan Nizom talablariga muvofiq, chakana savdo obyektlarida sotilayotgan xalq iste’moli tovarlarining sifati va xavfsizligiga alohida e’tibor qaratish muhim.

🔎
O‘rganish jarayonida, jumladan:
▪️ tovarlarni saqlash sharoitlari;
▪️ mahsulotlarning markirovka talablariga muvofiqligi;
▪️ yaroqlilik muddatiga rioya etilishi;
▪️ kassa cheki berilishi;
▪️ iste’molchiga tovar haqida to‘liq va ishonchli ma’lumot taqdim etilishi;
▪️ zarur hollarda nazorat xaridi va laboratoriya testlarini tashkil etish holatiga e’tibor qaratiladi.

Shuningdek, iste’molchilardan kelib tushayotgan murojaatlar, tovarlar sifati bilan bog‘liq muammolar hamda aniqlangan kamchiliklarni bartaraf etish bo‘yicha mas’ul tashkilotlar tomonidan ko‘rilayotgan choralar o‘rganiladi.

🎯 Asosiy maqsad — aholining iste’molchilik huquqlarini ishonchli himoya qilish, sifatsiz va xavfsizlik talablariga javob bermaydigan mahsulotlarning savdoga chiqarilishining oldini olish hamda tadbirkorlik subyektlarida qonuniy va halol savdo madaniyatini yuksaltirishdir.