Xalq deputatlari Chilonzor tumani Kengashi deputati Nazirov Madaminjon Ma’rufjon o‘g‘li tomonidan 15-Naqqoshlik saylov okrugi hududida joylashgan Naqqoshlik ko‘chasida ko‘chaboshi hamda mahalla faollari ishtirokida hududdagi ichki ko‘cha yo‘llarining holati o‘rganildi.

O‘rganish davomida yo‘llarning bugungi holati, ta’mirtalab uchastkalar, transport va piyodalar harakati uchun qulaylik yaratish bilan bog‘liq masalalar ko‘zdan kechirildi. Shuningdek, hudud aholisi tomonidan bildirilgan murojaat va takliflar tinglanib, mavjud muammolarni bartaraf etish yuzasidan tegishli mas’ul tashkilotlar bilan hamkorlikda amaliy choralar ko‘rish masalalari muhokama qilindi.

Hudud infratuzilmasini yaxshilash, ichki ko‘cha yo‘llarini bosqichma-bosqich ta’mirlash hamda fuqarolar uchun qulay va xavfsiz muhit yaratishga qaratilgan ishlar izchil davom ettiriladi.