Nazorat-tahlil tadbirlari davomida “Surxon sohili” mahallasining Jizzax va Surxon ko‘chalarida yashovchi aholi bilan uchrashuvlar o‘tkazilib, elektr energiyasi kuchlanishining pastligi sababli maishiy texnika vositalarining to‘liq quvvatda ishlamayotgani hamda elektr ta’minotida qator noqulayliklar mavjudligi aniqlangan.

Mazkur holat yuzasidan deputat tomonidan Termiz shahar elektr ta’minoti korxonasi boshlig‘i Sh. Ochilov nomiga deputat so‘rovi kiritilib, unda:

- elektr energiyasi kuchlanishining pasayish sabablari o‘rganilishi;

- hududdagi elektr tarmoqlari va transformator punktlarining texnik holati tahlil qilinishi;

- aniqlangan kamchiliklarni bartaraf etish bo‘yicha amaliy choralar ko‘rilishi;

- aholini sifatli va barqaror elektr energiyasi bilan ta’minlash yuzasidan tegishli ishlar amalga oshirilishi;

- ko‘rilgan choralar va erishilgan natijalar haqida qonunchilikda belgilangan tartibda yozma ma’lumot taqdim etilishi so‘ralgan.

Deputatlik nazoratining asosiy maqsadi — fuqarolarni qiynayotgan muammolarni joyida o‘rganish, mas’ul tashkilotlar faoliyatini tahlil qilish hamda aholi manfaatlarini himoya qilishdan iborat.