Deputat tomonidan “Bog‘zor” mahallasining Avesto ko‘chasida elektr uzatish tarmoqlariga tegib turgan daraxt shoxlari sabab yuzaga kelayotgan avariyaviy holatlar va elektr ta’minotidagi uzilishlar yuzasidan Termiz shahar elektr ta’minoti korxonasi boshlig‘i Sh. Achilov nomiga deputat so‘rovi yuborilgan edi.

💬Deputat so‘rovi ijrosi yuzasidan Termiz shahar elektr ta’minoti korxonasi tomonidan tezkor choralar ko‘rildi. Xususan, elektr tarmoqlariga xavf tug‘dirayotgan daraxt shoxlari maxsus texnika va mutaxassislar ishtirokida kesilib, elektr uzatish liniyalarining xavfsiz faoliyati ta’minlandi.

💬Natijada:

🟢elektr tarmoqlaridagi avariyaviy holatlarning oldi olindi;
🟢aholi uchun xavfsiz muhit yaratildi;
elektr energiyasi ta’minotining barqarorligi yaxshilandi;
🟢fuqarolar murojaatida ko‘tarilgan muammo bartaraf etildi.

💬Fuqarolarning murojaatlarini o‘rganish, joylardagi muammolarni aniqlash va ularni amaliy hal etish deputatlik faoliyatining ustuvor yo‘nalishlaridan biri hisoblanadi.

🫥Deputat tomonidan yuborilgan so‘rovning amaliy natija bergani, aholi manfaatlarini himoya qilish va muammolarni joyida hal etishda deputatlik nazoratining muhim ahamiyatga ega ekanini yana bir bor tasdiqladi.