Tadbir davomida mahalla hududida amalga oshirilayotgan obodonlashtirish ishlari, hududning sanitariya holati, mavjud infratuzilma obyektlarining ahvoli hamda aholini qiynayotgan masalalar joyiga chiqqan holda o‘rganildi.

💬Mazkur jarayon mahalliy Kengash deputatlari faoliyatining eng muhim 24 ta yo‘nalishi doirasida, O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-sonli qarori ijrosini ta’minlash, shuningdek, aholi bilan to‘g‘ridan-to‘g‘ri muloqotni kuchaytirish va hududdagi muammolarni aniqlash hamda ularni tegishli tartibda hal etishga ko‘maklashish maqsadida tashkil etildi.

💬O‘rganishlar davomida mahalla aholisi vakillari bilan ochiq muloqot o‘tkazilib, fuqarolarning hududdagi mavjud muammolar, kommunal xizmatlar va obodonlashtirish bilan bog‘liq masalalari tinglandi.

💬Nazorat davomida Paxtakor ko‘chasi, 9-uy oldida ichimlik suvi quvurining yorilgani aniqlandi. Mazkur holat natijasida ichimlik suvi isrof bo‘lishi hamda hududning sanitariya-obodonlashtirish holatiga salbiy ta’sir ko‘rsatishi mumkinligi qayd etildi.

💬Aniqlangan muammoni tezkor bartaraf etish, ichimlik suvi ta’minotining barqarorligini ta’minlash hamda fuqarolarga noqulaylik tug‘dirayotgan holatga chek qo‘yish maqsadida mas’ul tashkilotlarga deputatlik so‘rovi yuborish belgilandi.

🫥Mahalliy Kengash deputatlarining bunday nazorat-tahlil tadbirlari hududlarda mavjud muammolarni bevosita joyiga chiqib aniqlash, fuqarolar murojaatlarini o‘rganish va ularning qonuniy manfaatlarini himoya qilishga qaratilgan amaliy ishlarning muhim yo‘nalishlaridan biridir.