Shu maqsadda Xalq deputatlari Qumqo‘rg‘on tumani Kengashining 23-“Uvaysiy” saylov okrugidan deputat R.Mengziyayeva hamda 25-“Ketmon” saylov okrugidan deputat Q.Chorshanbiyev 34-sonli oilaviy poliklinikada bo‘lib, muassasa faoliyati hamda DMed elektron tibbiyot tizimining amaliyotga joriy etilishi bilan tanishdi.
Tashrif davomida deputatlar poliklinikada aholiga ko‘rsatilayotgan birlamchi tibbiy xizmatlar sifati, shifokorlar faoliyati, elektron tibbiy hujjatlar yuritilishi, bemorlarni ro‘yxatga olish va qabul qilish jarayonlari yuzasidan yaratilgan sharoitlarni ko‘zdan kechirdi.
Mas'ullar tomonidan DMed tizimining afzalliklari, xususan, tibbiy xizmatlarning tezkorligi va shaffofligini ta'minlash, elektron tibbiy kartalarni yuritish hamda aholiga qulaylik yaratish borasida amalga oshirilayotgan ishlar haqida batafsil ma'lumot berildi.
Deputatlar sog‘liqni saqlash tizimida raqamlashtirish jarayonlarini izchil davom ettirish, tibbiy xizmatlar sifati va samaradorligini yanada oshirish yuzasidan o‘z tavsiya va takliflarini bildirdi.