“Mahalliy davlat hokimiyati to‘g‘risida”gi O‘zbekiston Respublikasi Qonunining 19¹-moddasi talablariga muvofiq Xalq deputatlari Parkent tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi bo‘lib o‘tdi.Yig‘ilishni doimiy komissiya raisi Salimboyev Xasan Dilmurodovich olib bordi. Unda doimiy komissiya a’zolari, tuman Kengashi kotibiyati mudiri hamda kotibiyat xodimlari ishtirok etdi.Yig‘ilish kun tartibiga muvofiq Kengash faoliyatida qonunchilik talablariga rioya etilishi, qabul qilinayotgan qarorlarning qonuniyligi, hujjatlar bilan ishlash sifati hamda ijro intizomini yanada mustahkamlash masalalari ko‘rib chiqildi.Muhokamalar davomida mazkur yo‘nalishdagi ishlar holati yuzasidan fikr almashilib, Kengash faoliyatida qonuniylik, ochiqlik va shaffoflikni ta’minlash, hujjatlar bilan ishlash amaliyotini yanada takomillashtirish hamda ijro intizomini mustahkamlash bo‘yicha tegishli tavsiya va takliflar bildirildi.Yig‘ilish yakunida kun tartibidagi masala yuzasidan tegishli doimiy komissiya qarori qabul qilinib, belgilangan vazifalarning o‘z vaqtida va sifatli ijrosini ta’minlash hamda bu boradagi deputatlik nazoratini kuchaytirish bo‘yicha topshiriqlar belgilandi.