#Deputatlik_nazorati #Kotibiyat_hududlarda #Sessiya_oldi_organish #haftalik_ish_reja_ijrosi

GAZ TA'MINOTI HOLATI TANQIDIY O‘RGANILDI

🗂 Xalq deputatlari Uchtepa tumani Kengashining navbatdagi sessiyasi kun tartibiga kiritilgan kuz-qish mavsumiga tayyorgarlik masalalarini joylarda o‘rganish bo‘yicha, Oliy Majlis Senati tomonidan berilgan tavsiyalar ijrosi doirasida Shaftolizor mahallasidagi gaz ta'minoti infratuzilmasi holati o‘rganildi.

💼 Mazkur o'rganishda xalq deputatlari Uchtepa tumani Kengashi kotibiyati mudiri Anvar Usmanov, bosh mutaxassis Umidbek Abilov hamda tegishli mas'ullar ishtirok etishdi.

🔴 Jarayonda hududga xizmat ko‘rsatuvchi 14-10/136-sonli gaz taqsimlash punkti (GTP)ning texnik holati, kuz-qish mavsumiga tayyorgarligi hamda uzluksiz gaz ta'minotini ta'minlash bo‘yicha olib borilayotgan ishlar mas'ul mutaxassislar ishtirokida ko‘rib chiqildi.

💬 O‘rganish davomida gaz ta'minoti tizimining barqaror ishlashini ta'minlash, profilaktik tadbirlarni o‘z vaqtida yakunlash hamda mavsum davomida yuzaga kelishi mumkin bo‘lgan nosozliklarning oldini olish masalalari muhokama qilindi.

📝 O‘rganish yakunida mas'ullarga tegishli tavsiya va topshiriqlar berilib, mazkur yo‘nalishdagi ishlarni jadallashtirish hamda kuz-qish mavsumini betalafot o‘tkazish yuzasidan zarur choralarni ko‘rish belgilandi. Mazkur masala deputatlik nazoratida davom ettiriladi.