“Jipek jolı” máhálle jetiligi menen ushırasıw ótkerip, aymaqtaǵı sociallıq-ekonomikalıq jaǵday hám xalıqtı qıynap kiyatırǵan áhmiyetli mashqalalardı úyrendi.

✅ Xalıq deputatları Shımbay rayonlıq Keńesi secretariat baslıǵı M.Zarikeev “Jipek jolı” máhálle jetiligi menen ushırasıw ótkerip, aymaqtaǵı sociallıq-ekonomikalıq jaǵday hám xalıqtı qıynap kiyatırǵan áhmiyetli mashqalalardı úyrendi.

Ushırasıw dawamında máhálle belsendileri tárepinen Shımbay diyqan bazarı átirapindaǵı sawda orınların tártipke keltiriw, kommunallıq xızmetler, infrastrukturanı jaqsılaw, bántlikti támiyinlew, abadanlastırıw hám puqaralardı sociallıq qollap-quwatlawǵa baylanıslı máseleler boyınsha pikir-usınıslar bildirildi.

Deputat tárepinen kóterilgen máseleler hár tárepleme dodalanıp, olardı sheshiw boyınsha tiyisli shólkemler menen birgelikte ámeliy ilajlar kóriw zárúrligi atap ótildi. Sonday-aq, múrájatlardıń orınlanıwın qadaǵalaw hám olardı nızamshılıqta belgilengen tártipte sheshiw boyınsha juwapkerlerge tiyisli usınıslar berildi.

Ushırasıw ashıq pikirlesiw ruwxında ótip, máhálle belsendileri tárepinen alǵa qoyılǵan usınıs hám baslamalar keleshektegi jumıslardı nátiyjeli shólkemlestiriwde úlken áhmietke ie ekeni atap ótildi.