Tadbir davomida “Bola huquqlarining kafolatlari to‘g‘risida”gi O‘zbekiston Respublikasi Qonuni (O‘RQ–139, 2008-yil 7-yanvar) hamda “Vasiylik va homiylik to‘g‘risida”gi O‘zbekiston Respublikasi Qonuni (O‘RQ–364, 2014-yil 2-yanvar)ning mazmun-mohiyati, ushbu qonunlarda belgilangan bola huquqlarini himoya qilish, ularning qonuniy manfaatlarini ta’minlash, ota-onalar, vasiy va homiylarning huquq hamda majburiyatlari yuzasidan batafsil tushuntirishlar berildi.
Shuningdek, voyaga yetmagan farzandlarni chet davlatlarga olib chiqish tartibi, bunda ota-onalarning roziligi, qonunchilikda belgilangan talablar va hujjatlarni rasmiylashtirish masalalari haqida atroflicha ma’lumot berildi. Ota-onalarga farzandlarning huquq va manfaatlarini har qanday vaziyatda ustuvor hisobga olish, ularning xavfsizligi va ta’lim olish huquqini ta’minlash bo‘yicha amaldagi qonunchilik normalari yuzasidan tavsiyalar berildi.
Bundan tashqari, chet davlatlardan qaytib kelgan bolalarni shahar umumta’lim maktablariga joylashtirish tartibi, buning uchun taqdim etilishi lozim bo‘lgan hujjatlar, ta’lim jarayoniga uzluksiz jalb etish hamda vakolatli tashkilotlarning bu boradagi vazifalari haqida batafsil ma’lumot berildi. Tegishli tashkilotlar vakillari tomonidan ota-onalarni qiziqtirgan savollarga huquqiy va amaliy tushuntirishlar berildi.
️Tadbir yakunida bolalarning huquq va manfaatlarini himoya qilish, ularning sifatli ta’lim olishini ta’minlash hamda ota-onalarning huquqiy madaniyatini yuksaltirish davlat siyosatining ustuvor yo‘nalishlaridan biri ekani alohida ta’kidlandi. Shuningdek, qonunchilik talablariga rioya etish, farzandlar taqdiri bilan bog‘liq masalalarda mas’uliyatni yanada kuchaytirish va vakolatli tashkilotlar bilan hamkorlik qilish muhimligi yuzasidan tavsiyalar berildi.
Mazkur targ‘ibot tadbiri ota-onalarning huquqiy bilimlarini oshirish, bolalarning qonuniy manfaatlarini ishonchli himoya qilish hamda amaldagi qonunchilik mazmunini keng jamoatchilikka yetkazishga xizmat qildi.