Oʻzbekiston Respublikasining "Aholi bandligi toʻgʻrisida"gi Qonuni (№OʻRQ-642-son) ijrosini ta'minlash hamda mahallalarda aholining oʻzini oʻzi band qilishini ragʻbatlantirish borasidagi ishlar doimiy e'tiborda.
Xususan, Xalq deputatlari Olmaliq shahar Kengashi kotibiyati mudiri Sevar Qodirova tomonidan shahrimizdagi Mahmudxoʻja Behbudiy mahallasida istiqomat qiluvchi, tikuvchilik faoliyati bilan shugʻullanib kelayotgan L.Oʻrinboyevaning faoliyati joyiga chiqqan holda oʻrganildi.

💼Mahalla hokim yordamchisining bevosita tashabbusi bilan fuqaroga uy sharoitida tikuvchilik faoliyatini kengaytirishi va kerakli zamonaviy texnik uskunalarni xarid qilishi uchun imtiyozli kredit ajratilishiga koʻmaklashilmoqda.
🔰Qonunning tegishli moddalariga muvofiq, fuqaroning oʻz mehnati bilan daromad topishi va mustaqil bandligini ta'minlashi uchun zarur sharoitlar yaratilgan.
❇️Mazkur masala qonun talablari asosida "Hunarmand" uyushmasiga a'zo boʻlish, imtiyozlardan unumli foydalanish va faoliyatni qonuniy tartibda yanada kengaytirish yoʻnalishida atroflicha koʻrib chiqildi.
⚖️ Qonun talabidan: "Aholi bandligi toʻgʻrisida"gi Qonunga muvofiq, oilaviy tadbirkorlik, hunarmandchilik hamda oʻzini oʻzi band qilgan shaxslarni moliyaviy va tashkiliy jihatdan qoʻllab-quvvatlash aholi bandligini ta'minlashning ustuvor yoʻnalishlaridan biri hisoblanadi.
Shahrimizda mazkur qonun ijrosi yuzasidan oʻrganishlar izchil davom ettiriladi. Mazkur yoʻnalishda oʻrganishlarni tizimli tashkil etish va monitoring olib borishga Xalq deputatlari shahar Kengashi kotibiyati mas'ul xodimi Mukarram Ne'matullayeva mas'ul etib belgilandi.