Xalq deputatlari Xorazm viloyati Kengashi deputati A. Bobajanov tomonidan Shixlar MFY hududida saylovchilar bilan uchrashuv o‘tkazilib, 2026-yilning 2-choragi yakunlari bo‘yicha amalga oshirilgan faoliyat yuzasidan axborot berildi. Shuningdek, fuqarolarning murojaatlari, taklif va muammolari tinglanib, ularni hal etish yuzasidan tegishli choralar belgilandi.

📌 Uchrashuv davomida fuqarolar tomonidan quyidagi masalalar ko‘tarildi:
🔹 Shixlar MFY, Shukrona ko‘chasi hududida yo‘l belgilarining mavjud emasligi sababli transport harakati xavfsizligi bilan bog‘liq muammolar yuzaga kelayotgani, ayniqsa bolalarning yo‘ldan o‘tishida qiyinchiliklar kuzatilayotgani hamda og‘ir yuk avtomobillarining mahalla ichki yo‘llaridan harakatlanishi natijasida asfalt qoplamasi shikastlanayotgani;
🔹 Yangi Hayot va Sarchashma ko‘chalari kesishmasidagi elektr havo tarmoqlarini tartibga keltirish;
🔹 Nurli yo‘l ko‘chasidagi yuqori kuchlanishli elektr havo tarmog‘ini zamonaviy SIP kabeliga almashtirish;
🔹 Nurli yo‘l ko‘chasiga 1,2 km asfalt qoplamasi yotqizish hamda ko‘cha bo‘ylab piyodalar yo‘laklarini barpo etish.

✅ Bildirilgan murojaat va takliflar deputat tomonidan nazoratga olinib, ularni tegishli tashkilotlar bilan hamkorlikda ijobiy hal etish yuzasidan zarur choralar ko‘rilishi belgilandi.