#kotibiyat_xodimi_faoliyati
#deputat_okrugida
#mahalla_yettiligi_bilan_hamkorlik

Bandixon tumanida deputatlik nazorati: "Polvontosh" mahallasida ish yuritishi va murojaatlar bilan ishlash holati ko‘rib chiqildi

Xalq deputatlari Bandixon tumani Kengashining nazorat-tahlil faoliyati doirasida 5-Polvontosh saylov okrugidan saylangan deputat O.Jumayevga biriktirilgan tuman Kengashi kotibiyati bosh mutaxassisi E.Eshonqulov “Polvontosh” mahallasida o‘rganish ishlarini amalga oshirdi.

O‘rganish O‘zbekiston Respublikasining “Fuqarolarning o‘zini o‘zi boshqarish organlari to‘g‘risida”gi hamda “Jismoniy va yuridik shaxslarning murojaatlari to‘g‘risida”gi Qonunlari talablaridan kelib chiqib tashkil etildi. Monitoring jarayonida mahalla raisi faoliyati, ichki ish yuritish hujjatlarining belgilangan tartibda olib borilishi, fuqarolar murojaatlarini ko‘rib chiqish muddatlari va ularning ijro holati atroflicha o‘rganildi.

Shuningdek, muloqot davomida mahalla hududidagi dolzarb muammolar hamda ularni deputatlik so‘rovlari va mas’ul tashkilotlar hamkorligida bosqichma-bosqich hal etish masalalari muhokama qilinib, mas’ullarga tegishli tavsiyalar berildi.