Xalq deputatlari Tuproqqal’a tumani Kengashi deputati M.Yarashov hamda tuman Kengashi kotibiyati bosh mutaxassisi P.Rahmonov tomonidan “Ichimlik suvi ta’minoti va oqova suvlarni chiqarib yuborish to‘g‘risida”gi Qonun (O‘RQ–784)ning “Xorazm suv ta’minoti” MCHJ Tuproqqal’a tuman bo‘limida ijrosi tanqidiy tartibda o‘rganildi.

O‘rganish davomida qonunning iste’molchilarni sifatli va uzluksiz ichimlik suvi bilan ta’minlash, suv ta’minoti hamda oqova suv tizimlarini soz holatda saqlash, avariya holatlariga tezkor chora ko‘rish, murojaatlar bilan ishlash va xizmatlar sifatini ta’minlashga oid qator moddalarining ijrosida kamchiliklar mavjudligi qayd etildi. Shuningdek, ayrim yo‘nalishlarda nazoratni kuchaytirish, qonun talablarining to‘liq va so‘zsiz bajarilishini ta’minlash yuzasidan mas’ullarga tegishli tavsiya va topshiriqlar berildi.

⚠️ Qonun talablarining to‘liq ijrosi ustidan deputatlik nazorati davom ettiriladi.