Lochin MFYda suv resurslaridan oqilona foydalanish va yashil hududlarning sug‘orilish holati o‘rganildi

O‘zbekiston Respublikasining 2009-yil 25-dekabrdagi O‘RQ-240-son “Suv va suvdan foydalanish to‘g‘risida”gi Qonuni hamda 2004-yil 2-dekabrdagi 706-II-son “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunida belgilangan deputatlik nazorati vakolatlari doirasida Xalq deputatlari Navoiy shahar Kengashi deputati Navro‘zov Erkin Ergashevich hamda Kengash kotibiyati bosh mutaxassisi Diyorbek Toyirov tomonidan 5-Bunyodkor saylov okrugi hududidagi Lochin mahalla fuqarolar yig‘inida suv resurslaridan oqilona foydalanish, daraxtlar va yashil hududlarning sug‘orilish holati o‘rganildi.

O‘rganish davomida mahalla hududidagi daraxtlar, ko‘chatlar va boshqa yashil hududlarning sug‘orilishi, sug‘orish tarmoqlarining texnik holati hamda suv resurslaridan samarali va tejamkor foydalanish bo‘yicha amalga oshirilayotgan ishlar ko‘zdan kechirildi.

Shuningdek, mas’ul tashkilotlar vakillari va mahalla faollari bilan suhbat o‘tkazilib, yashil hududlarni muntazam sug‘orish, mavjud daraxtlarni saqlash, yangi ko‘chatlarni parvarishlash hamda suvdan oqilona foydalanish madaniyatini yanada oshirish masalalari muhokama qilindi.

O‘rganish yakunlari bo‘yicha aniqlangan kamchiliklarni bartaraf etish, sug‘orish tizimlari samaradorligini oshirish va suv resurslaridan oqilona foydalanishni ta’minlash yuzasidan tegishli mas’ullarga tavsiyalar berildi.

Ta’kidlanganidek, suv resurslaridan oqilona foydalanish va yashil hududlarni asrab-avaylash ekologik barqarorlikni ta’minlash, hududlarning obodonligini saqlash hamda aholi uchun qulay ekologik muhit yaratishda muhim ahamiyat kasb etadi.