Xalq deputatlari Sardoba tumani Kengashi deputati B. Bo‘tayev Xalqobod mahallasiga tashrif buyurib, mahalla yettiligi faoliyati bilan yaqindan tanishdi.
Tashrif davomida mahallada aholining ijtimoiy muhofazasini ta’minlash, bandlikni oshirish, yoshlar va xotin-qizlar bilan ishlash, huquqbuzarliklar profilaktikasi hamda hududdagi mavjud muammolarni o‘z vaqtida bartaraf etish yuzasidan amalga oshirilayotgan ishlar muhokama qilindi.
B.Bo‘tayev mahalla yettiligi a’zolari bilan suhbat davomida aholi murojaatlarini tizimli o‘rganish, har bir oilaning muammosiga manzilli yondashish va davlat dasturlari doirasida belgilangan vazifalarni samarali amalga oshirish muhimligini ta’kidladi.
Shuningdek, mahallada ijtimoiy barqarorlikni mustahkamlash, aholi farovonligini oshirish hamda davlat va jamoatchilik hamkorligini yana-da kuchaytirish borasidagi ustuvor vazifalar yuzasidan fikr almashildi.
Tashrif yakunida mahalla yettiligi faoliyatini yana-da samarali tashkil etish, aholi bilan ochiq muloqotni kuchaytirish va aniqlangan masalalarni bosqichma-bosqich hal etish bo‘yicha tegishli tavsiyalar berildi.