Депутатлық қадағалаў: Социаллық хызметлердиң нәтийжелилиги үйренилди

✅ Шымбай районы "Инсан" социаллық хызметлер орайында Халық депутатлары Шымбай районлық Кеңесиндеги ӨзХДП депутатлық топары ағзалары тәрепинен Өзбекстан Республикасы Президентиниң 2024-жыл 27-февральдағы “Мүтәж шахсларды протез-ортопедия үскенелери ҳәм реабилитация етиўдиң техникалық қураллары менен тәмийинлеў системасын жетилистириў илажлары ҳақкында”ғы ПҚ-88-санлы қарарының орынланыўы бойынша үйрениў жумыслары алып барылды.

⚡️ Үйрениў даўамында орай тәрепинен майыплығы болған шахслар ҳәм кексе жастағы жәрдемге мүтәж пуқараларды протез-ортопедия үскенелери ҳәм реабилитация етиўдлдиң техникалық қураллары менен тәмийинлеў бағдарында әмелге асырылып атырған жумыслар талланды.

♻️ Мәлим болыўынша, бүгинги күнде жәми 357 пуқара реабилитация техникалық қураллары менен тәмийинленген. Соның ишинде, майыплық арбашалары, электр арбашалар, еситиў аппаратлары, ҳасалар, қолтық таяқлар, ходуноклар, көзи әззилер ушын арнаўлы ҳасалар ҳәм басқа да техникалық қураллар мүтәжлерге жеткерип берилген. Сондай-ақ, 87 пуқара 111 дана протез-ортопедия үскенеси менен тәмийинленип, бул олардың ҳәрекетлениў имканиятларын кеңейтиў, еркин турмыс кешириў ҳәм жәмийетлик турмыста белсене қатнасыўына хызмет етпекте.

✍️ Үйрениў жуўмағында депутатлар тәрепинен қарардың орынланыўын және де нәтийжели шөлкемлестириў, мүтәж пуқараларды техникалық реабилитация қураллары менен өз ўақтында тәмийинлеў бойынша тийисли усыныслар билдирилди ҳәм бул бағдардағы депутатлық қадағалаў избе-из даўам еттирилетуғыны атап өтилди.