#_deputat_faoliyati
#_24_ta_masala
Deputat saylovchilar bilan uchrashib, fuqarolar murojaatlarini tingladi

Xalq deputatlari Sariosiyo tumani Kengashining 14-"Navro‘z" saylov okrugidan saylangan deputat S.Avazov hamda kotibiyat bosh mutaxassisi A.Nasritdinov tomonidan "Nelobo" mahallasida saylovchilar bilan navbatdagi uchrashuv o‘tkazildi.

Uchrashuv davomida deputat o‘z saylov okrugida amalga oshirilgan ishlar, hududni ijtimoiy-iqtisodiy rivojlantirish, aholi turmush farovonligini yuksaltirish hamda saylovchilar manfaatlarini himoya qilish borasida olib borilayotgan faoliyat yuzasidan batafsil axborot berdi. Shuningdek, kelgusida amalga oshirilishi rejalashtirilgan ustuvor vazifalar haqida ham ma’lumot berildi.

Tadbir davomida fuqarolarning murojaat va takliflari tinglanib, ularni qiynayotgan muammolar yuzasidan atroflicha fikr almashildi. Ko‘tarilgan masalalarning bir qismi yuzasidan joyida huquqiy tushuntirish va tavsiyalar berildi. Tegishli mutasaddi tashkilotlar bilan hamkorlikda hal etilishi lozim bo‘lgan murojaatlar esa deputatlik nazoratiga olinib, ularning ijrosini ta’minlash bo‘yicha zarur choralar belgilandi.

Uchrashuv ochiq va samimiy muloqot ruhida o‘tdi. Saylovchilar tomonidan bildirilgan taklif va tashabbuslar kelgusidagi deputatlik faoliyatida inobatga olinishi, fuqarolar bilan bunday uchrashuvlar muntazam ravishda davom ettirilishi ta’kidlandi.