#_deputat_faoliyati
#_24_ta_masala
#_162_ta_qonun
Mahallada nogironlar uchun yaratilgan shart-sharoitlar va obodonlashtirish va ko‘kalamzorlashtirish ishlari hamda Qonun ijrosi deputatlar tomonidan o‘rganildi

Xalq deputatlari Sariosiyo tumani Kengashining “23-Aeroport” saylov okrugidan saylangan deputati, tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi N.Chorshanbiyeva hamda “15-Telpakchinor” saylov okrugidan saylangan deputat, tuman Kengashi kotibiyati bosh mutaxassisi, mazkur doimiy komissiya a’zosi N.Xamdamova tomonidan “Terakzor” mahallasida o‘rganish ishlari olib borildi.

O‘rganish davomida Xalq deputatlari Sariosiyo tumani Kengashining 2026 yilga mo‘ljallangan ish rejasining 36–41-bandlari ijrosi yuzasidan mahallada nogironligi bo‘lgan shaxslar uchun yaratilgan shart-sharoitlar, ularning ijtimoiy himoyasi, infratuzilma ob’ektlarining qulayligi, shuningdek, obodonlashtirish va ko‘kalamzorlashtirish ishlarining holati tahlil qilindi.

Shuningdek, O‘zbekiston Respublikasining 2020 yil 15 oktabrda qabul qilingan “Nogironligi bo‘lgan shaxslarning huquqlari to‘g‘risida”gi O‘RQ–641-sonli Qonuni ijrosi yuzasidan mahallada amalga oshirilgan ishlar o‘rganildi. Xususan, nogironligi bo‘lgan fuqarolarni qo‘llab-quvvatlash, ularning ijtimoiy hayotda faol ishtirokini ta’minlash, davlat va jamoat xizmatlaridan to‘siqsiz foydalanishi uchun yaratilgan imkoniyatlar yuzasidan mas’ullar bilan muloqot o‘tkazildi.

O‘rganish jarayonida aniqlangan ayrim kamchiliklar bo‘yicha tegishli mutasaddilarga tavsiya va takliflar berildi hamda belgilangan vazifalar ijrosini ta’minlash yuzasidan amaliy chora-tadbirlar belgilab olindi. Deputatlik nazorati doirasida bu kabi o‘rganishlar izchil davom ettirilishi ta’kidlandi.