Xalq deputatlari Sardoba tumani Kengashi kotibiyati bosh mutaxassisi L.Toshquvvatov tomonidan Xalqobod mahallasi “Do‘stlik” ko‘chasida ekilgan ko‘chatlarning sug‘orish tarmog‘i bilan ta’minlanganligi hamda ta’minlanmaganligi holati yuzasidan o‘rganish ishlari olib borildi.
O‘rganish jarayonida ko‘chatlar ekilgan hududlarda sug‘orish tarmog‘ining mavjudligi, uning uzluksiz ishlashi hamda sug‘orish tizimi hali yetib bormagan maydonlar atroflicha ko‘zdan kechirildi. Shuningdek, ko‘chatlarning to‘laqonli parvarish qilinishi va yashovchanligini ta’minlash maqsadida mavjud holat tahlil qilindi.
O‘rganish yakunlariga ko‘ra, sug‘orish tarmog‘i bilan ta’minlanmagan hududlarda zarur infratuzilmani yaratish va mavjud tizim samaradorligini yanada oshirish yuzasidan tegishli mas’ul tashkilotlarga taklif va tavsiyalar berildi. Mazkur masala nazoratga olinib, ko‘chatlarni saqlab qolish hamda hududni yanada obodonlashtirish bo‘yicha amaliy chora-tadbirlarni izchil davom ettirish belgilandi