Deputat 2026-yilning 1-yarim yilligi yakunlari bo‘yicha saylovchilarga axborot berdi

Xalq deputatlari Angren shahar Kengashining 5-Chinobod saylov okrugi deputati M. Muratayev tomonidan o‘z saylov okrugi saylovchilari bilan uchrashuv o‘tkazilib, 2026-yilning birinchi yarim yilligi yakunlari bo‘yicha deputatlik faoliyati yuzasidan hisobot taqdim etildi.

Uchrashuv davomida deputat tomonidan joriy yilning birinchi yarim yilligida amalga oshirilgan ishlar, saylovchilar murojaatlarini o‘rganish va ularning yechimi yuzasidan ko‘rilgan choralar, hududdagi mavjud muammolarni bartaraf etish bo‘yicha olib borilgan ishlar hamda Xalq deputatlari Angren shahar Kengashi sessiyalaridagi ishtiroki va qabul qilingan qarorlar ijrosini ta’minlash borasidagi faoliyati haqida batafsil axborot berildi.

Shuningdek, saylovchilar tomonidan bildirilgan taklif va murojaatlar tinglanib, ularni hal etish yuzasidan tegishli chora-tadbirlar belgilandi. Qo‘shimcha o‘rganishni talab etadigan masalalar deputatlik nazoratiga olinib, mas’ul tashkilotlar bilan hamkorlikda ijobiy hal etilishi yuzasidan kelishib olindi.

Uchrashuv yakunida deputat saylovchilar bilan ochiq muloqotni davom ettirish, ularning manfaatlarini himoya qilish hamda hududni yanada rivojlantirishga qaratilgan ishlarni izchil olib borishini ta’kidladi.