“Mustaqillik marshi” tadbiridan so‘ng ishtirokchilar Sardoba tumani madaniyat markazida tashkil etilgan milliy qadriyatlarimiz, urf-odatlarimiz va boy madaniy merosimizni o‘zida aks ettirgan ko‘rgazmalar bilan yaqindan tanishdilar.
Ko‘rgazmalarda xalqimizning asrlar davomida sayqallanib kelayotgan milliy an’analari, hunarmandchilik namunalari, amaliy san’at asarlari hamda o‘zbek xalqining boy ma’naviy merosini ifodalovchi eksponatlar namoyish etildi. Unda Xalq deputatlari Sardoba tumani Kengashi deputati S.Abduvaliyeva ham faol ishtirok etdi.
Shuningdek, Sardoba tumani Axborot-kutubxona markazida tashkil etilgan kitoblar ko‘rgazmasi ham katta qiziqish uyg‘otdi. Unda mustaqillik yillarida mamlakatimiz taraqqiyoti, Yangi O‘zbekiston bunyodkorligi, milliy davlatchiligimiz tarixi hamda buyuk ajdodlarimiz hayoti va faoliyatiga bag‘ishlangan adabiyotlar namoyish etildi.