Joriy yilning 20 iyun kuni O‘zLiDePning “X alq bilan birga” umummilliy dasturi doirasida Sardoba tumani hokimi deputat Ziyadulla Karimov hamda tuman deputatlari A.Egamberdiyev J.Umarov, N.Xamidovalar tomonidan Otayurt mahallasida tuman aholisi uchun navbatdagi sayyor qabul tashkil etildi.
Qabulda fuqarolarning murojaatlari tinglanib, ularni qiynab kelayotgan muammolar va dolzarb masalalar atroflicha muhokama qilindi. Tadbirda O‘zLiDePning Sirdaryo viloyat hamda Sardoba tuman Kengashlari deputatlari, tegishli korxona va tashkilotlar rahbarlari, mas’ul mutasaddilar ishtirok etib, aholi murojaatlarini o‘rgandi hamda ularning yechimi yuzasidan o‘z taklif va tavsiyalarini bildirdi.
Sayyor qabul davomida sog‘liqni saqlash, elektr energiyasi, ichimlik suvi, kadastr, bandlik va ijtimoiy yordam masalalariga oid bo‘ldi. Bir nechta murojaatlar joyida ijobiy hal etilib, qolgan murojaatlar bo‘yicha mutasaddi tashkilotlar rahbarlariga aniq vazifalar va ijro muddatlari belgilab berildi.