📍 Oqtosh mahallasida fuqarolar qabuli o‘tkazildi
Xalq deputatlari tuman Kengashi raisi A. Zikryayev hamda Oqtosh mahalla fuqarolar yig‘ini raisi ishtirokida Oqtosh mahallasida navbatdagi fuqarolar qabuli tashkil etildi.
Qabul davomida fuqarolar va saylovchilar tomonidan bildirilgan murojaatlar, taklif,muammolar atroflicha tinglandi.Aholini qiynayotgan ijtimoiy, kommunal, infratuzilma va boshqa masalalar yuzasidan murojaatlar qabul qilinib, ularning har biri bo‘yicha mas’ul tashkilotlarga tegishli topshiriqlar berildi.
Murojaatlarning qonunchilik talablari asosida o‘z vaqtida hal etilishini ta’minlash, fuqarolar bilan ochiq muloqotni yanada kuchaytirish ijro intizomini ta’minlash masalalariga alohida e’tibor qaratildi.
Bunday sayyor qabullar aholining muammolarini joyida o‘rganish, ularga amaliy yechim topish hamda davlat organlari bilan fuqarolar o‘rtasidagi ochiq muloqotni mustahkamlashga xizmat qilmoqda.