Xalq deputatlari viloyat Kengashi deputati G.Bobojonova Mingbuloq mahallasida aholiga maishiy xizmat ko‘rsatish shaxobchalari hamda savdo do‘konlari faoliyati bilan tanishdi. Tashrif davomida savdo va xizmat ko‘rsatish ob’ektlarida aholi uchun yaratilgan
shart-sharoitlar, ko‘rsatilayotgan xizmatlar sifati, mahsulotlar turlari, sanitariya-gigiena talablariga rioya etilishi hamda iste’molchilarga xizmat ko‘rsatish madaniyati o‘rganildi. Shuningdek, ijtimoiy ahamiyatga ega oziq-ovqat mahsulotlari va kundalik ehtiyoj tovarlarining narx-navolari, narxlar barqarorligini ta’minlash, mahsulotlar sifatini nazorat qilish hamda aholini sifatli va arzon mahsulotlar bilan uzluksiz ta’minlash masalalari yuzasidan tadbirkorlar bilan muloqot o‘tkazildi. Deputat tomonidan savdo va xizmat ko‘rsatish sohasida iste’molchilar huquqlarini ta’minlash, xizmat ko‘rsatish madaniyatini yanada yuksaltirish, mahsulotlar sifati va xavfsizligiga alohida e’tibor qaratish hamda narxlarning asossiz oshirilishiga yo‘l qo‘ymaslik bo‘yicha tegishli tavsiyalar berildi. Tashrif yakunida aholiga qulay va sifatli xizmat ko‘rsatishni ta’minlash, savdo obyektlari faoliyatini yanada takomillashtirish hamda ichki bozorda narx-navo barqarorligini saqlash borasidagi ishlar izchil davom ettirilishi ta’kidlandi.