Sardoba tumanida aholi o‘rtasida ekologik madaniyatni yuksaltirish, atrof-muhitni muhofaza qilish g‘oyalarini keng targ‘ib etish hamda fuqarolarning ekologik ongi va mas’uliyatini oshirish maqsadida targ‘ibot tadbiri tashkil etildi.
Tadbirda O‘zbekiston Ekologik partiyasi vakillari, Xalq deputatlari Sardoba tumani Kengashi raisi R.Tashpulatov hamda tuman Kengashi deputati G.Suvonqulova ishtirok etib, Birlashgan mahallasi aholisi bilan ochiq muloqot o‘tkazdilar.
Uchrashuv davomida ekologik muammolarning oldini olish, hududlarni obodonlashtirish, ko‘kalamzorlashtirish ishlarini kengaytirish va tabiatni asrashning ahamiyati haqida tushunchalar berildi.
Shuningdek, tadbir doirasida Birlashgan mahallasida O‘zbekiston Ekologik partiyasining guvohnomalarini topshirish tadbiri ham tashkil qilinib, partiya safiga qo‘shilgan faol fuqarolarga tegishli hujjatlar tantanali ravishda topshirildi.
Mazkur tadbir aholi o‘rtasida ekologik madaniyatni shakllantirish, jamoatchilikning ekologik tashabbuslardagi ishtirokini kuchaytirish hamda atrof-muhitni muhofaza qilish borasidagi sa’y-harakatlarni yana-da faollashtirishga xizmat qildi.