Xalq deputatlari Zomin tuman Kengashining Agrar, suv xo‘jaligi, ekologiya, qurilish, kommunal sohalar, sanoat va transport masalalari bo‘yicha doimiy komissiyasi raisi Y.Safarov va tuman hokimligi mas'ul xodimlari ishtirokida O‘zbekiston Respublikasi Prezidentining 2025-yil 8-oktabrdagi PQ–298-son hamda 2026-yil 5-fevraldagi PQ–49-son qarorlari ijrosi yuzasidan deputatlik o‘rganishi amalga oshirildi.

O‘rganish davomida mazkur qarorlar asosida Zomin tumanida “Yangi O‘zbekiston qiyofasidagi mahalla” dasturiga kiritilgan “Bunyodkor” va “Mustaqillik” mahalla fuqarolar yig‘inlari, shuningdek “Og‘ir” toifasiga kiritilgan “Farovon”, “Obi Hayot” hamda “Sh. Rashidov” mahallalarida amalga oshirilayotgan bunyodkorlik va obodonlashtirish ishlari, infratuzilma loyihalarining borishi hamda ushbu maqsadlar uchun ajratilgan mablag‘larning maqsadli va samarali o‘zlashtirilishi holati joyiga chiqib o‘rganildi.

Shuningdek, amalga oshirilayotgan qurilish-ta'mirlash ishlari sifati, ichki yo‘llar, ichimlik suvi, elektr ta'minoti, ko‘cha yoritish tizimi va boshqa muhandislik-kommunikatsiya infratuzilmasi obyektlarida olib borilayotgan ishlarning holati tahlil qilindi.

O‘rganish yakunlari bo‘yicha aniqlangan holatlar yuzasidan tegishli taklif va tavsiyalar ishlab chiqilib, belgilangan vazifalarning o‘z vaqtida va sifatli bajarilishi doimiy komissiyada muhokama qilinishi va doimiy nazorat olib borilishi ta'kidlandi.