🏫 27-son umumta'lim maktabida o‘rganish ishlari olib borildi

👥 Xalq deputatlari Sherobod tumani Kengashining 12-Cho‘moshli–Taroqli saylov okrugi deputati F. Shermuxamedova hamda Kengash kotibiyati bosh mutaxassisi S. Safarov tomonidan Xalq deputatlari Sherobod tumani Kengashining navbatdagi sessiyasi kun tartibiga kiritilgan masala yuzasidan Taroqli hududida joylashgan 27-son umumta'lim maktabida o‘rganish ishlari olib borildi.

🔍 O‘rganish jarayonida sessiya kun tartibiga kiritilgan masala yuzasidan mavjud holat atroflicha tahlil qilinib, tegishli mas'ullar bilan fikr almashildi hamda aniqlangan kamchiliklarni bartaraf etish bo‘yicha tavsiyalar berildi.

📚 Shuningdek, maktabning 2026–2027-o‘quv yiliga tayyorgarlik ishlari ham ko‘zdan kechirildi. Xususan, sinf xonalari, o‘quv jihozlari, obodonlashtirish ishlari, hududning sanitariya holati hamda yangi o‘quv yilini sifatli tashkil etish bo‘yicha amalga oshirilayotgan ishlar bilan yaqindan tanishildi.

🤝 Tashrif davomida mas'ullarga yangi o‘quv yilini yuqori saviyada tashkil etish, ta'lim sifati va o‘quvchilar uchun yaratilayotgan sharoitlarga alohida e'tibor qaratish yuzasidan tegishli tavsiya va ko‘rsatmalar berildi.

✅ Ta'lim muassasalarida olib borilayotgan o‘rganish va nazorat ishlari ta'lim sifatini oshirish hamda o‘quvchilar uchun munosib shart-sharoitlarni yaratishga xizmat qiladi.