#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi #dolzarb_40_kunlik

GAZ TA’MINOTI BARQARORLIGINI TA’MINLASH YO‘LIDA DEPUTATLIK NAZORATI KUCHAYTIRILMOQDA

🇺🇿 Oliy Majlis Senati Raisi Tanzila Narbayeva raisligida o‘tkazilgan yig‘ilishda Prezidentimiz tomonidan belgilangan ustuvor vazifalar ijrosini ta’minlash, energetika tizimi barqarorligini mustahkamlash hamda senatorlar va mahalliy Kengash deputatlarining nazorat faoliyatini yanada kuchaytirish masalalariga alohida e’tibor qaratildi.

🇺🇿 Mazkur topshiriqlar ijrosini ta’minlash maqsadida xalq deputatlari Uchtepa tumani Kengashining "8-Ko‘kcha-Oqtepa" saylov okrugi deputati Imamov Sabitjan Xudaynazarovich tomonidan okrug hududidagi Ko‘kcha-Oqtepa mahallasida joylashgan gaz taqsimlash punktlarining (GTP) kuz-qish mavsumiga tayyorgarlik holati joyiga chiqib o‘rganildi.

⚙️ O‘rganish davomida gaz taqsimlash punktlarining texnik holati, gaz ta’minoti tizimining uzluksiz ishlashini ta’minlashga qaratilgan profilaktik va ta’mirlash ishlari, mavjud uskunalarning sozligi hamda xavfsizlik talablariga rioya etilishi ko‘zdan kechirildi.

🕯 Shuningdek, soha mutaxassislari bilan muloqot o‘tkazilib, kuz-qish mavsumida aholini tabiiy gaz bilan uzluksiz va barqaror ta’minlash, gaz bosimini me’yor darajasida saqlash, avariya holatlarining oldini olish hamda aniqlangan kamchiliklarni o‘z vaqtida bartaraf etish yuzasidan amalga oshirilayotgan ishlar muhokama qilindi.

📈 O‘rganish yakunida mavjud holat yuzasidan tegishli tavsiyalar berilib, gaz taqsimlash punktlarini kuz-qish mavsumiga to‘liq tayyor holga keltirish, belgilangan chora-tadbirlarning sifatli va o‘z vaqtida bajarilishi deputatlik nazoratiga olindi.

📇 Mazkur nazorat tadbirlari aholini kuz-qish mavsumida tabiiy gaz bilan ishonchli ta’minlash, energetika infratuzilmasining barqaror faoliyatini qo‘llab-quvvatlash hamda iste’molchilar uchun qulay va xavfsiz sharoitlarni yaratishga xizmat qiladi.