#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi #dolzarb_40_kunlik

BIRLIK MAHALLASIDA IJTIMOIY MASALALAR VA “MAHALLA YETTILIGI” FAOLIYATI O‘RGANILDI

📂 Xalq deputatlari Uchtepa tumani Kengashi deputatlarining 24 ta tavsiyaviy savolnomasi ijrosi hamda “Mahallada obodlik va mehr-saxovat oyligi” doirasida xalq deputatlari Uchtepa tumani Kengashining "20-Xirmontepa" saylov okrugi deputati Saodat Malikova tomonidan Birlik mahallasida navbatdagi o‘rganish ishlari olib borildi.

💬 O‘rganish davomida “mahalla yettiligi” faoliyati, ijtimoiy xodim tomonidan ehtiyojmand fuqarolarga ko‘rsatilayotgan xizmatlar, kam ta’minlangan oilalarga ijtimoiy nafaqalar tayinlanishi hamda hokim yordamchisining aholini kambag‘allikdan chiqarish borasidagi ishlari muhokama qilindi.

📇 Birlik mahallasining 21-mavzesida joylashgan 40 ta ko‘p qavatli uyda 2 418 ta xonadon, 2 314 ta oila va 7 385 nafar fuqaro istiqomat qiladi. Hududga “Zametno Znak” BSK tomonidan 23 nafar xodim xizmat ko‘rsatmoqda. 11-, 12-, 25- va 29-sonli uylarning fasad qismi hamda kirish yo‘laklarini joriy yil yakuniga qadar ta’mirlash rejalashtirilgan.

📁 Ijtimoiy reyestrda 65 nafar fuqaro ro‘yxatga olingan bo‘lib, ularning 28 nafari davlat ta’minotiga kiritilgan. O‘rganish jarayonida 13-uy, 40-xonadonda yashovchi I.Omonovning jarrohlik amaliyotiga muhtoj ekani aniqlanib, masalani hal etish yuzasidan tegishli mutasaddilarga topshiriqlar berildi.

📈 O‘rganish yakunida ko‘tarilgan barcha masalalar deputatlik nazoratiga olinib, ularning ijrosini ta’minlash yuzasidan mas’ullarga aniq vazifalar belgilandi.