Xalq deputatlari Sardoba tumani Kengashi deputati B.Bekmurodov tomonidan Quyitosh mahallasida amalga oshirilayotgan obodonlashtirish ishlari bilan yaqindan tanishildi.
Tashrif davomida mahalla hududida olib borilayotgan tozalik va ko‘kalamzorlashtirish ishlari, ichki yo‘llar holati, ijtimoiy obyektlar atrofini obodonlashtirish hamda aholi uchun yaratilgan shart-sharoitlar ko‘zdan kechirildi.
Deputat tomonidan obodonlashtirish ishlarining sifati va samaradorligiga alohida e’tibor qaratilib, mavjud kamchiliklarni bartaraf etish hamda mahalla hududini yana-da ko‘rkam va fayzli maskanga aylantirish yuzasidan tegishli tavsiyalar berildi.
Shuningdek, mahalla faollari va aholi vakillari bilan muloqot o‘tkazilib, hududni yana-da obod qilish bo‘yicha taklif va fikrlar muhokama qilindi. Ta’kidlanganidek, bunday ishlar mahallalarning qiyofasini yaxshilash, aholi turmush farovonligini oshirish va sog‘lom yashash muhitini shakllantirishga xizmat qiladi.