Xalıq deputatları Taxtakópir rayonlıq Keńesine ÓzLiDEP partıyasınan deputat Z.Seytnazarova «Ǵárezsizlik» MPJ aymaǵında 2026-jıldıń ótken 6 ayı dawamında ámelge asırılǵan jumısları boyınsha málimlemesin beriw maqsetinde saylawshılar menen ushırasıw ótkerdi.

Ushırasıwda «Ǵárezsizlik» MPJ baslıǵı S.Nurlıbekov puqaralarǵa deputat Z.Seytnazarova tárepinen 2026-jıldıń 6 ayı dawamında ámelge asırǵan jumısları, puqaralardıń múrájatları menen islesiw, sonday aq máhálle jetiligi menen birge islesiw nátiyjeleri boyınsha, máhálle aymaǵında ámelge asırılǵan jollardı ońlaw hám shaǵıl taslaw, ishimlik suwı hám elektr támiynatın jaqsılaw, kóshelerdi abadanlastırıw, aymaqlardı kóklemzarlastırıw, sociallıq obektlerdi ońlaw hám xalıq ushın qolaylı sharayatlar jaratıw boyınsha islengen jumıslar haqqında tolıq maǵlıwmat berildi.
Sonday-aq, saylawshılar tárepinen bildirilgen usınıs hám múrájatlar tiykarında sheshilgen máseleler jáne alda ámelge asırılıwı rejelestirilgen rejeler dodalandı.

Deputat tárepinen máhállelerdi jáne de abat hám abadan aymaqqa aylandırıw, xalıqtıń turmıs dárejesin arttırıw jáne saylawshılar menen turaqlı pikirlesiwdi támiyinlew tiykarǵı wazıypalardan biri ekeni atap ótildi.